නීති හා රෙගුලාසි

 

1. පෙ.ව.7.15ට පෙර පාසලට පැමිණිය යුතුය. 

 

2.පෙ.ව.7.300 පාසල ආරම්භ කෙරේ.

 

3. දිනපතා පන්ති කාමර පිරිසිදු කළ යුතුය.

 

4. පොලිතීන් ගෙන ඒම සම්පූර්ණයෙන්ම තහනම්ය.

 

5. පන්ති කාමර වල කසල නියමිත ස්ථානවලට බැහැර කළ යුතුය. 6. උදේ සහ දහවල් ආහාරවේල සඳහා ධාන්‍ය වර්ග, සහල් පිටිවලින් සෑදු ආහාර, අල වර්ග හෝ බත් පමණක් ගෙන ආ යුතුය. පිටි වර්ග වලින් සෑදූ කෑම වර්ග නොගත යුතුය. වතුර බෝතලයක් රැගෙන ආ යුතුය.

 

7. පාසල් කාලය තුළ විෂය ඉගෙනුම් සඳහා පන්ති කාමර වලට, පුස්තකාලයට, ප්‍රධාන ශාලාවට යන අවස්ථා වලදී පේළියට ගමන් කළ යුතුය.

 

8. පන්ති නායක නායිකාවන් හා ශිෂ්‍ය නායක/නායිකාවන් සමග සහයෝගයෙන් කටයුතු කළ යුතුයි.

 

9. සෑම දිනයකම පාසලට පැමිණිය යුතුය. විභාගයට ඉදිරිපත් කිරීමේදී 10, 11ශ්‍රේණි දරුවන්ගේ පැමිණීම 80% වීම අනිවාර්ය වේ.

 

 

10. පාසල් නිල ඇඳුම ගැහැණු දරුවන් සඳහා කර සහිත සුදු ගවුම්, කොණ්ඩය මැදින් ඛෙදා කැරලි දෙකකට ගොතා කළු රිබන් පටියෙන් බැඳිය යුතුය. සුදු සපත්තු හා සුදු මේස් පාසල් නිල ලාංඡනය සහිත ටයි පටිය පැළඳිය යුතුය.

 

පිරිමි දරුවන් 10, 11 ශ්‍රේණි සුදු දිග කලිසම් හා සුදු කමිසය ද, 6, 7, 8, 9 ශ්‍රේණි නිල් කොට කලිසම හා සුදු කමිසය ද ඇඳිය යුතු අතර කොණ්ඩය කොටට කපා පැත්තට පීරා තිබිය යුතුය. පාසල් ලාංඡනය කමිස සාක්කුවේ ප්‍රදර්ශනය විය යුතුය. උල් රහිත කළු සපත්තු හා කළු මේස් පැලඳිය යුතුය.

 

11. කොණ්ඩ මෝස්තර දැමීම, ගිය පාට කිරීම, අත්වර්ණ ගැන්වීම ඇතුළු ශිෂ්‍ය විනයට පටහැනි ක්‍රියා සම්පූර්ණයෙන් ම තහනම්ය.

 

12. ජංගම දුරකථන ඇතුළු ඉගෙනීම් කටයුතු වලට අදාළ නොවන කිසිදු උපාංගයක් / උපකරණයක් පාසලට ගෙන ඒම සපුරා තහනම්ය.